Genesis blok - bu har qanday blokcheyn tarmog‘idagi birinchi va eng muhim blokdir. U blokcheyn tarixining boshlanish nuqtasi hisoblanadi.

Genesis blok - blokcheynning ilk bloki bo‘lib, undan keyin barcha boshqa bloklar quriladi. U tizimning asosiy parametrlarini o‘rnatadi va kriptovalyuta tarmog‘ining boshlanishini belgilaydi.

Genesis blokning ahamiyati juda katta. U blokcheyn tarmog‘ining asosiy tizim parametrlarini belgilaydi. Shuningdek, genesis blok tarmog‘idagi dastlabki tangalarni yaratadi. Bu blok butun blokcheyn tarmog‘ining ishga tushishini ta’minlaydi. Bundan tashqari, genesis blok keyingi barcha bloklarning tekshirilishi va tasdiqlanishi uchun asos bo‘lib xizmat qiladi.

Genesis blokning o‘ziga xos xususiyatlaridan biri u birinchi blok bo‘lganligi uchun  oldingi hech qanday blokka havola qilmaydi.

Genesis blok maxsus dastur yordamida ishlab chiqiladi. Ba’zi hollarda, genesis blok ichida tarixiy ahamiyatga ega xabarlar yoki muhim ma’lumotlar joylashtiriladi.

Amaliy misollar keltiradigan bo‘lsak, Bitcoin tarmog‘ining genesis bloki 2009-yil 3-yanvar kuni yaratilgan. Shuning uchun bu sana Bitcoin tarixida juda muhim sanaladi va ushbu kriptovalyutaning tug‘ilgan kuni deb ham aytiladi. Boshqa bir mashhur kriptovalyuta - Ethereum tarmog‘ida esa genesis bloki 2015-yil 30-iyulda ishga tushirilgan. Genesis blok blokcheyn tarmog‘ining xavfsizligi va yaxlitligini ta’minlashda muhim rol o‘ynaydi. U tizimning asosiy qoidalarini belgilaydi va keyingi barcha tranzaksiyalar uchun ishonchli nuqta vazifasini bajaradi.