Agentlik direktorining 2025-yil 11-martdagi 25-son buyrugʼiga asosan '' Asterium'' MChJ O‘zbekistonda faoliyat yurituvchi o‘n birinchi kripto-do‘kon sifatida litsenziya oldi. Bu haqida agentlik matbuot xizmati xabar qildi.

Asterium MChJ yagona ta'sischisi - Mahmudov Sanjar Yo'ldashevich hisoblanadi.

Kompaniya yuridik shaxs sifatida 2025-yil 30-yanvar sanasida ro'yxatdan o'tgan bo'lsa ham, ustav kapitali - 30 mlrd so'mga yetadi.

MChJ ijro organi rahbari sifatida Sultonov Komilxo‘ja Abdukarim o‘g‘li tayinlangan.

Avvalroq, agentlik “City Pay Gate” qo‘shma korxonasiga kripto-depozitariy va o‘ninchi kripto-do‘kon faoliyatini amalga oshirish uchun litsenziya bergan edi.

Eslatib o'tamiz, O'zbekistonda kripto aktivlar aylanmasi sohasida kripto do'kon sifatida faoliyat yuritishda yuridik shaxslar — BHMning 3 700 baravari (1,387 mlrd so‘m) miqdorida litsenziya to'lovi undiriladi.