NFT (inglizcha "non-fungible token" so'zining qisqartmasi) - bu turli xil raqamli obyektlarning mulk ekanini ifodalovchi almashtirilmaydigan token.

Bu matn, tasvir, audio yozuv, raqamli san'at asarlari, o'yin elementlari yoki belgilar, domen nomlari, moliyaviy vositalar, klub kartalari va hokazolar bo`lishi mumkin.

Agar kriptovalyutalar shartli ravishda almashtirilishi mumkin bo'lsa - masalan, bitta foydalanuvchining hamyonidagi bitta bitkoin boshqa foydalanuvchining hamyonidagi bitta bitkoinga teng va bir xil bo'ladi.

Ammo rasmni ifodalovchi bitta NFT tokeni boshqa foydalanuvchining bitta NFT tokeniga teng emas, chunki bular turli qiymatlarga ega boʻlgan turli rassomlarning turli rasmlari boʻlishi mumkin.

NFT tokenlarining har biri o'ziga xos, ularni nusxalab bo'lmaydi. Ularning har biri aqlli shartnomalarda qayd etilgan identifikatsiya ma'lumotlarini o'z ichiga oladi.

Ushbu ma'lumot har bir NFTni boshqasidan farqlaydi.

NFT yordamida ishlab chiquvchilar raqamli obyektlarga egalik huquqini ta'minlash muammosini hal qilishdi.

Egasi va uning tokenlari haqidagi ma'lumotlar blokcheynda o'rnatiladi. Ma'lumotni almashtirish yoki o'chirish esa imkonsiz.

NFT ekotizimi nimadan iborat?

NFT loyihalari asosan Ethereum, Flow va WAX tarmoqlarida ishlab chiqilgan.

• NFTlarni sotib olish va sotish uchun agregatorlar

• NFT yaratish imkonini beruvchi umumiy reliz protokollari

• Nishe bozorlari: Bozorlar yoki san'at emitentlari ustunlik qiladi, ammo Mirror kabi NFT bloglari va EulerBeats kabi musiqa bozorlari ham asta-sekin paydo bo'lmoqda.