O‘zbekiston Respublikasi Istiqbolli loyihalar milliy agentligi direktorining  15.08.2022 3380-sonli buyrug‘ida xizmat provayderlari qanday tartibda litsenziyaga ega bo‘lishlari belgilab berilgan.

Kripto-aktivlar sanoatida xizmat provayderlariga quyidagilar kiradi.

- kripto-birja

- mayning qilish

- kripto-depozitariy

- kripto-do‘kon

Xizmatlar provayderlari faoliyatini amalga oshirish uchun litsenziya talab qilinadi va bunda vakolatli davlat organi Istiqbolli loyihalar milliy agentligi hisoblanadi.

Undan tashqari, xizmat provayderlari faoliyatiga litsenziya olish talablari quyidagilar hisoblanadi:

• O‘zbekiston Respublikasi hududidagi serverlarda joylashgan elektron platforma va (yoki) texnik hamda dasturiy vositalar majmuining mavjudligi;

• kripto-aktivlar bilan bog‘liq barcha operatsiyalar bo‘yicha ma’lumotlarni, platforma ishtirokchilarining identifikatsiya ma’lumotlarini, xizmatlar provayderlarining platforma ishtirokchilari bilan munosabatlariga oid materiallarni (shu jumladan, platforma ishtirokchilari o‘rtasida), shuningdek ish yozishmalarini besh yil davomida saqlash;

  
  

• kripto-aktivlar aylanmasi, jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgin qurollarining tarqalishini moliyalashtirishga qarshi kurashish hamda shaxsga doir ma’lumotlarni saqlash va ulardan foydalanish sohasidagi O‘zbekiston Respublikasi qonunchilik hujjatlari talablariga rioya qilish;

• yashirin mayning (maxsus dasturiy ta’minotdan foydalanish orqali uchinchi shaxslarning hisoblash quvvatlarida, ularga bildirmagan holda yoki roziligisiz mayningni amalga oshirish bo‘yicha faoliyat) hamda anonim kripto-aktivlar bilan operatsiyalarni, shu jumladan anonim kripto-aktivlar mayningini (anonimlik prinsipi bo‘yicha ishlayotgan kripto-aktivlar) amalga oshirmaslik, platforma faoliyatini amalga oshirish bilan bog‘liq ma’lumotlarni litsenziyalovchi organning so‘roviga binoan bepul taqdim etish; qonunchilik hujjatlari bilan belgilangan kripto-aktivlar aylanmasi sohasidagi faoliyatni amalga oshirish uchun yig‘imlarni o‘z vaqtida va to‘liq hajmda to‘lash;

kabi majburiyatlarni oladi.

Ushbu shartlarni bajargan holda Istiqbolli loyihalar milliy agentligidan faoliyatini litsenziyalagan holda kripto-aktivlar sohasida xizmat faoliyatini amalga oshirish zarur hisoblanadi.